ازيكو ياحبايب قلبى مع انى مشوفتش ولا واحد ولا واحدة منكو كن بثق فيكو اوى وبحبكو عشان انتو لما بتردو على مواضيعى او بتساعدونى بيبقى من قلبكو بجد ومش مستنيين منى مقابل المساعدة ونصايحكو ليه بتبقى مفيهاش ولا غيرة ولاحقد من القلب وعشان كدة بتدخل قلبى على طول انا سمعت نصايح الاغلبية منكو عى موضوعى اللى فات وخلاص هلبس الدبل يوم السبت اللى جاى وهنزل اشترى الدبل يوم الخميس اللى جاى مش قادرة اوصف ليكو فرحتى ده بعدماصليت استخارة طبعا وربنا وفقنى زيادة انى اوافق عى الشخص اللى شارينى ده انا مش عارفة انا بقول الكلام ده ليكو ليه بس حسيت انكو جزء منى بجد ومبقتش اقدر انه يحصللى حاجة من غير مااعرفكو او اخد رايكو فعشان كدة عاوزة نصيحة من كل واحد وواحدة مرو بتجارب مع الحب او الخطوبة او الجواز وخلاصة كل تجربة من التجارب دى مترجمة على هيئة نصايح عشان مقعش فيها واحاول بقدر الامكان اسعد خطيبى ده ان شاء الله واحاول البى كل رغباته سواء دلوقتى او بعدين بعد الفرح عاوزة على قدر المستطاع اخلى حياتى معاه سعيدة انا رومانسية جداااااااا وهو رومانسى بس الشغل بتاعه واحد اغلبية وقته ازاى احاول اديه حقه اووووووى فى الحب والحنان وفى نفس اوقت معطللوش عن شغله واحاول انجحه اكتر واكتر واشاركه افراحه واحزانه ويارب ميكونش فى حياتنا احزان ولون هية زى الشطة لابد منها بس اهو الواحد بيحاول وبيدعى ربنا وخلاص غير كمان انى نوعا ما متدينة بحب ربنا اوى اكتر من اى حد وبصلى وبحب الصلاة اصلا وعاوزة ابقى حاجة وابقى مؤثرة فى الدين على الاقل خالص اعمل جامع واسميه باسم بنتى او ابنى مستقبلا نور ويبقى مسجد النور نفسى فى حاجات كتير وربنا يقدرنى علها وهو مش بيصلى يعنى شغله واخد كل وقته لدرجة انه مش بيلحق ياكل حتى ولو وجبات خفيفة وانا نوعا ما ك ادان بتصل بيه واقوله يالا ياحبيبي روح صلى فى الجامع الله اعم هو بيروح ولا لا ولا بيروح عشان يرضينى ولا من قلبه معرفش بحاول مضغطش عليه بس نفسى تبقى الصلاة جزء منه قبلى انا شخصيا اعمل ايه ؟ حاجات كتير عاوزة اخد رايكو فيها انتو عارفين بقى الاقبال على الحياة اجديدة بتبقى عاوزة كلام كتير انتو بقى من واقع الاستفادة من اللى مريته بيه فى حياتكو ارجوكو انصحونى وطبعا هتعرفو اخبارى اول باول وده مش معناه انى بفشى سره على قد ماهي بحاول اعرف العيوب بتاعتى وبتاعته فين واصلحها او اتلاشاهاولكم كل حبى وتقديرى