الموضوع انى واحدة نفسى فى شخص نقى واضح ومش كداب لان استويت من الكدب والخداع سواء من بنات او ولاد فشلت الاقى واحدة تبقى لى زى ضلى صديقة بجد وبرضه بفشل انى الاقى شخص بالمواصفات اللى انا عاوزاها خرجت من تجربة فاشلة وكنت متعلقة بيها اوى وبعد ماانتهت قلت لاهلى اللى هتقولو عليه اه موافقين هقول وراكو آمين وقد كان اتقدم لى واحد ودخل البيت من الباب وبابا وافق بشدة وماما قالت عاوزة اقعد معاه وكدة روحت وقابلته انا وماما وبابا وخالى واتكلمت معاه لوحدنا وحسيت انى مرتااااااااحة اوى ليه وكانى اعرفه من زماان جاله تليفون واحنا قاعدين مرضاش يرد قلت له ارد انا رديت لقيتها بنت وعرفت منه ان بينهم علاقة وكدة وبتحبه وهو بيكمها وقاللى شوية بس والموضوع هينتهى اصلا هو منتهى والله بس هية اللى بتتكلم انا ركبنى عفريت وفضلت اجرح فيه وانت زيهم خاين وبتاع بنات طيب جاى تخطب ليه بقى مدامك بتكلمها وووو وقاللى اللى انتى عاوزاه ويرديكى هعمله دلوقتى قلت له كلمها وقول انك خلاص هتخطب قا حاضر وكلمها وقاللها برضه كلمته واحنا قاعدين تانى وفضلت تعيط وانا سمعتها من المايك وقال لها خلاص مينفعش وكدة واتكلم مع بابا وماما وخالى وقال اللى عاوزينه هعمله واللى يرضيها هعمله بس الموضوع بتاع البنت دى ادونى فرصه انهيه من غير تجريح فى بنات الناس بس انا قسيت عليه اوى فى الكلام وحرجته ادام اهلى غصب عنى شوفت الكدب فى عنيه وحسيت انه زيهم كداب ومنافق وبعد ماخدنا القاعدة ومشينا قعدت مع خالى شوية وجاله تليفون من صاحبت البنت دى انهم نقلوها مستشفى وهو مبينش واحنا قاعدين وقال لخالى ده كان مجرد ارتباط وكدة كدة اهلها مش عاوزينى يبقى انا مخنتهاش ولا حاجة بس هية اللى متعلقة بية وانا شاريكو وموافقين علية يبقى هية مزعلة نفسها ليه بقى وزعلانة منى ليه واللى هية عاوزاه هعمله واللى يرضيها هعمله اهم حاجة متكنش زعلانة منى ماما جت علية وقالت مش كلهم زى بعض وده كويس وبابا نفس كلام ماما وخالى بيحبه اوى وعاوزه بس انا حيرانة اوى بقول انها هتفضل وراه لحد ماتأثر عليه وهتبقى حياتى كلها نكد ومشاكل وانا لو بست دبلته مش هقلعها لو حص ايه حتى ومش عارفة اخد قرار ولما بصلى استخارة مش بوصل لاى حاجةولا بحلم ولا بحس ان فيه تقدم ولا تأخر محتارة اوى وفى نفس الوقت الولد كويس ويجيى منه اوى وعنده استعدادا يتغير بس البنت دى منغصة علية حياتى وباردة اوى وكلمتها وقلت لها خلاص انا خطيبته تقولى اديهونى اكلمه برضه وهو عاوز يلبس دبل بعد اسبوع لما اهله يجو من السفر واهله عارفين ك حاجة وبباه صاحب بابا اوى ومتحمسين اوى للموضوع اعمل ايه اوافق وخلاص واللى لية نصيب فيه هشوفه ولا استنى شوية يمكن يجيلى احسن منه ولا ايه مش عارفة ممكن تساعدونى انا مليش حد اخد رايه كل اللى كنت بقول عليهم اصحابى فنش ومليش غير ربنا ثم اهلى وانتو ساعدونى